Published: 06-06-2023
(رپورٹ:۔ چوہدری نصیر افضل سے)گوجرانوالہ ریجن کی تاریخ کا میگا پروموشن بورڈ آر پی او آفس میں منعقد ہوا۔آر پی او ڈاکٹر حیدر اشرف کی زیر قیادت اے ایس آئی اور ہیڈ کانسٹیبلان کی ترقی کے چھٹے پروموشن بورڈ کا اجلاس۔ ریجنل پولیس آفیسر ڈاکٹر حیدر اشرف نے کہا ہے کہ ریجن بھر سے138اسسٹنٹ سب انسپکٹرز کو سب انسپکٹراور 284ہیڈ کانسٹیبلان کو اے ایس آئی کے عہدہ پر ترقی دے دی گئی۔دو ماہ کے دوران پروموشن بورڈ کے چھ اجلاسوں میں ریجن بھر سے 1109 اے ایس آئی اور ہیڈ کانسٹیبلان کو ترقی ملی۔450اے ایس آئیز کو سب انسپکٹراور 659ہیڈ کانسٹیبلان کو اے ایس آئی کے عہدہ پر ترقی دی گئی۔گوجرانوالہ ریجن کی تاریخ میں دو ماہ کے دوران اتنی بڑی تعداد میں پروموشن نہیں ہوئیں۔ محکمانہ ترقی ہر افسر و اہلکار کا بنیادی حق ہے جو اسے بلا تاخیر دیا جا رہا ہے۔
