Published: 23-10-2023
(رپورٹ:۔ چوہدری نصیر افضل سے)گجرات۔ تھانہ سٹی جلالپورجٹاں پولیس کی کاروائی ڈکیتی کی واردات میں ملوث عرصہ 10 سال سے روپوش ملزم اشتہاری گرفتار تفصیلات کے مطابق ڈسٹرکٹ پولیس آفیسراحمد نواز شاہ کی زیر قیادت پولیس کی جرائم پیشہ عناصر کے خلاف کاروائیاں جاری ہیں۔ڈی ایس پی صدرسرکل عدنان احمد کی زیر نگرانی ایس ایچ اوتھانہ سٹی جلالپورجٹاں SI محمد اختر نے اپنی پولیس ٹیم کے ہمراہ کاروائی کرتے ہوئے عرصہ 10سال سے روپوش خطرناک مجرم اشتہاری ذیشان حیدرکو گرفتار کرلیا۔ گرفتار ملزم تھانہ سٹی جلالپورجٹاں پولیس کو ڈکیتی کے مقدمہ نمبر84/13 میں مطلوب تھا۔ جو واردات کے بعد روپوش ہوگیا تھا۔ جسے تھانہ سٹی جلالپورجٹاں پولیس نے پیشہ وارانہ مہارت اور جدید سائنسی ٹیکنالوجی کا استعمال کرتے ہوئے گرفتار کرلیا۔ گرفتار ملزم کی مزید انٹیروگیشن جاری ہے۔
