Published: 22-11-2023
(رپورٹ:۔ چوہدری نصیر افضل سے)تھانہ منگوال پولیس کی بڑی کاروائی۔ڈکیتی و راہزنی کی وارداتوں میں مطلوب 5رکنی (تصوری گینگ)گرفتار نقدی 1لاکھ40ہزار روپے اور وارداتوں میں استعمال ہونے والا اسلحہ2عدد پسٹل 30 بوربرآمد پریس ریلیز کے مطابق ڈی پی او گجرات سید اسد مظفر نے صدر سرکل میں ڈکیتی و راہزنی کی وارداتوں میں ملوث متحرک گینگ کی گرفتاری کے کے لئے ڈی ایس پی صدر سرکل عدنان احمدکی زیر نگرانی ایس ایچ او تھانہ منگوال SI ادریس افضل اوردیگرپولیس ملازمین پر مشتمل خصوصی ٹیم تشکیل دی،جنہوں نے جدید ٹیکنالوجی اور پیشہ ورانہ مہارت کو بروئے کار لا کر ڈکیتی اور راہزنی کی وارداتیں کرنے والا5 رکنی (تصوری) گینگ گرفتار کرلیا۔ گرفتار ملزمان میں 1۔تصور عباس 2۔خاور علی 3۔عدیل عباس 4۔ سہیل اشرف 5۔ اکمل شامل ہیں۔ دوران انٹیروگیشن ملزمان نے انکشاف کیا کہ شارع عام پر اسلحہ کے زور پر نقدی وغیرہ چھین لیتے تھے۔جن کے قبضہ سے نقدی 1لاکھ 40ہزار روپے اور وارداتوں میں استعمال ہونے والا اسلحہ 2عدد پسٹل 30بوربرآمدکر لیا۔ملزمان کی تفتیش جاری ہے جس میں مزید انکشافات متوقع ہیں۔
