Published: 24-11-2023
(رپورٹ چوہدری جمشید اختر)گجرات سٹی سرکل پولیس نے منشیات فروشوں کے خلاف کاروائیاں کرتے ہوئے 2ملزمان کو گرفتار کر لیا 1کلوسے زائد چرس اور شراب برآمد تفصیلات کے مطابق ڈی پی او گجرات سید اسد مظفر کی زیر قیادت گجرات پولیس کی منشیات فروشوں کے خلاف کاروائیاں جاری ہیں۔ایس ایچ او تھانہ لاری اڈا انسپکٹر شیراز حیدرنے انچارج چوکی گڑھی احمد آباد SI سید محمد علی اور دیگر پولیس ٹیم کے ہمراہ کاروائی کرتے ہوئے ملزم عدیل ولد صدیق کو گرفتار کر کے ملزم کے قبضہ سے1080 گرام چرس برآمد کر لی۔ایس ایچ او تھانہ اے ڈویژن SI عدیل افضل نے اپنی پولیس ٹیم کے ہمراہ کاروائی کرتے ہوئے شراب سپلائر محمد رمضان ولد خالد محمود کو گرفتار کر لیا۔ ملزم کے قبضہ سے 10لیٹر شراب برآمد کر لی گئی۔ گرفتارملزم کے خلاف الگ الگ مقدمات درج کر کے مزید تفتیش کا آغاز کر دیا گیا۔
