Published: 24-11-2023
(رپورٹ:۔ رانا مہتاب اسلم سے)گجرات۔ تھانہ صدر کھاریاں پولیس کی کاروائی قتل کے جرم میں ملوث عرصہ اڑھائی سال سے روپوش مجرم اشتہاری گرفتار تفصیلات کے مطابق ڈسٹرکٹ پولیس آفیسرسید اسد مظفرکی زیر قیادت پولیس کی جرائم پیشہ عناصر کے خلاف کاروائیاں جاری ہیں۔ڈی ایس پی کھاریاں ملک عرفان صفدر کی زیر نگرانی ایس ایچ اوتھانہ صدرکھاریاں نے اپنی پولیس ٹیم کے ہمراہ کاروائی کرتے ہوئے قتل کے جرم میں ملوث خطرناک مجرم اشتہاری جنید اشرف ولد محمد اشرف سکنہ راجن پور کو گرفتار کرلیا۔ گرفتار ملزم تھانہ صدر کھاریاں پولیس کو قتل کے مقدمہ نمبر337/21میں مطلوب تھا۔ جو واردات کے بعد روپوش ہوگیا تھا۔ جسے تھانہ صدر کھاریاں پولیس نے پیشہ وارانہ مہارت اور جدید سائنسی ٹیکنالوجی کا استعمال کرتے ہوئے گرفتار کرلیا۔ گرفتار ملزم کی مزید انٹیروگیشن جاری ہے۔
