Published: 01-07-2024
(رپورٹ۔ چوہدری نصیر افضل سے)قصور۔ ڈی پی او محمد عیسیٰ خاں کی ہدایت پر پولیس کا رات گئے بھاری نفری کیساتھ گرینڈ سرچ آپریشن‘ سرچ آپریشن تھانہ راجہ جنگ کے علاقہ میر محمد گاؤں میں کیا گیا، 24 ملزمان گرفتار‘ 11 منشیات کے مقدمات درج کر کے 17 کلوگرام سے زائد منشیات برآمد کی گئی‘سنگین مقدمات میں مطلوب 02 خطرناک مجرم اشتہاریوں سمیت 06 اشتہاری گرفتار‘ ناجائز اسلحہ کے 07 مقدمات درج کر کے 05 پسٹل اور 02 رائفل برآمد کی گئیں سرچ آپریشن میں ڈی ایس پی صدر خالد اسلم، ایس ایچ او راجہ غلام صابر سمیت 04 تھانوں کی نفری، سی آئی اے سٹاف اور ایلیٹ کے جوانوں نے حصہ لیا‘سرچ آپریشن کے دوران انر کارڈن اور آؤٹر کارڈن ڈیوٹی لگائی 100 کے قریب گھروں کو چیک کیا گیا، 150 سے زائد افراد سے پوچھ گچھ کی گئی‘ سرچ آپریشن کا مقصد سنگین جرائم میں ملوث ملزمان کی گرفتاری اور امن و امان کے قیام کو یقینی بنانا ہیڈی پی او قصور محمد عیسیٰ خان نے کہا ہے کہ‘ ضلع کو ڈاکوؤں، چوروں اور لٹیروں سے پاک کر کے امن کا گہوارہ بنایا جائے گا۔ ضلعی پولیس شہریوں کی جان و مال کی حفاظت کیلئے دن رات کوشاں ہے۔
