Published: 18-04-2023
پاکستان اور نیوزی لینڈ کے درمیان تیسرا ٹی 20 میچ آج کھیلا جائے گا۔پاکستان کو نیوزی لینڈ کیخلاف 5 میچز کی سیریز میں دو صفر کی برتری حاصل ہے۔ دونوں ٹیموں کے درمیا ن تیسرا ٹی 20 میچ لاہور کے قذافی اسٹیڈیم میں کھیلا جائے گا۔اس سے قبل اتوار کو قذافی اسٹیڈیم میں کھیلے گئے دوسرے ٹی 20 میچ میں پاکستان نے نیوزی لینڈ کو 38 رنز سے شکست دی تھی۔ قومی ٹیم کے کپتان بابر اعظم نے سنچری اسکور کرکے ٹیم کی فتح میں اہم کردار ادا کیا تھا۔پاکستان اور نیوزی لینڈ کے درمیان چوتھا ٹی 20 میچ اپریل کی 20 اور پانچواں میچ 24 تاریخ کو راولپنڈی میں کھیلا جائے گا۔
