Published: 31-08-2023
(رپوٹ۔ شیخ شہباز علی کراہم رپوٹر)گجرات۔سٹی سرکل پو لیس کامنشیات فروشوں کے خلاف آپریشن،2منشیات فروش گرفتار،ڈیڑھ کلوسے زائدچرس برآمد تفصیلات کے مطابق ڈی پی او گجرات احمد نواز شاہ کی زیر قیادت ضلع بھر میں منشیات فروشوں کے خلاف بڑے پیمانے پر کاروائیاں جاری ہیں۔ اس سلسلہ میں ڈی ایس پی سٹی سرکل اسد اسحاق کی زیر نگرانی ایس ایچ او تھانہ شاہین نے اپنی پولیس ٹیم کے ہمراہ منشیات فروشوں کے خلاف کاروائی کرتے ہوئے بد نام زمانہ منشیات فروش سہیل احمد کو گرفتار کر لیا۔گرفتارملزم کے قبضہ 1120گرام چرس برآمد کر لی گئی۔جبکہ ایس ایچ او تھانہ بی ڈویژن نے اپنی پولیس ٹیم کے ہمراہ کاروائی کرتے ہوئے منشیات فروش محمد ندیم کو گرفتار کر کے ملزم کے قبضہ سے 550گرام چرس برآمد کر لی۔گرفتار ملزمان کے خلاف الگ الگ مقدمات درج کر کے مزید تفتیش کا آغاز کر دیا گیا۔
