Published: 21-04-2024
گزشتہ دنوں علالت کے باعث یشما گل ہسپتال میں داخل تھیں کہ اس دوران اداکارہ کی ایک پوسٹ کے باعث سوشل میڈیا پر ان کی شادی کی افواہوں کا بازار گرم ہوگیا۔یشما گل کی جانب سے شیئر کی جانے والی پوسٹ میں ہسپتال کے کمرہ نمبر 103 کے دروازے پر مس یشما گِل (Ms Yashma Gill) کی جگہ مسز یشما گِل (Mrs Yashma Gill) لکھا دکھائی دیا جو اداکارہ کے شادی شدہ ہونے کی جانب واضح اشارہ تھا۔دروازے پر لکھے اس نام کو دیکھ کر سوشل میڈیا صارفین نے اداکارہ سے ان کی شادی بارے پوچھنا شروع کر دیا۔سوشل میڈیا پر گردش کرتی شادی کی افواہوں پر ردعمل دیتے ہوئے یشما نے اپنی انسٹا سٹوری میں ایسی تمام افواہوں کے بے بنیاد قرار دیتے ہوئے لکھا کہ " یہ ہسپتال کے عملے کی غلطی تھی یہاں پر واضح دکھائی دے رہا ہے کہ میرے نام کے سپیلنگ بھی غلط لکھے گئے ہیں، براہِ کرم ایسی افواہیں اب ختم ہوجانی چاہئیں۔یاد رہے کہ یشما نے اپنے ایک انٹرویو کے دوران کہا تھا کہ ابھی فوری طور پر میرا شادی کا کوئی ارادہ نہیں لیکن اہل خانہ کی جانب سے مجھ پر شادی کیلئے دباؤ رہتا ہے تاہم جب کوئی اچھا لڑکا مل جائے گا تو شادی کر لوں گی۔
