Published: 01-05-2024
اذلان شاہ ہاکی کپ میں شرکت کیلئے قومی سکواڈ کے ویزے لگ گئے، 48 گھنٹوں میں ملائیشیا روانگی متوقع ہے۔پاکستان ہاکی فیڈریشنز کے دو دھڑوں کا معاملہ تو تاحال حل نہیں ہو سکا، البتہ ہاکی ٹیم کے کھلاڑیوں کے ملائیشیا کے ویزے لگ گئے، اذلان شاہ ہاکی کپ 4 مئی سے ملائیشیا میں شروع ہو گا۔ذرائع کا کہنا ہے کہ پاکستان ہاکی کے 18 رکنی سکواڈ، 7 ریزرو کھلاڑیوں اور تین آفیشلز کے ملائیشیا کے ویزے لگ گئے، پاکستان ہاکی ٹیم کی 48 گھنٹوں میں روانگی متوقع ہے۔ذرائع نے بتایا کہ تین آفیشلز میں غیر ملکی کوچ رولینٹ آلٹمنز، ویڈیو انالسٹ ندیم لودھی اور فزیو تھراپسٹ محمد وقاص ٹیم کے ہمراہ ملائیشیا جائیں گے، ٹیم کی قیادت عماد شکیل بٹ کریں گے۔
