Published: 15-05-2024
(رپورٹ:۔ چوہدری نصیر افضل سے)نئے تعینات ہونے والے ڈی پی او گجرات مستنصر عطاء باجوہ نے چارج سنبھال کر کام شروع کردیا۔تفصیلات کے مطابق ضلع میں نئے تعینات ہونے والے ڈی پی اوگجرات مستنصر عطاء باجوہ نے اپنے عہدے کا چارج سنبھال کر کام شروع کردیاہے۔ڈی پی او گجرات کا پولیس لائنز پہنچنے پرایس پی انویسٹی گیشن مہر محمد ریاض ناز نے پولیس افسران، ڈی ایس پی ہیڈ کواٹر ذیشان اقبال، RIا نسپکٹر محمد سلیم، پی ایس او راحیل عباس، پی آر او فواد سلیم، کو رس کورڈنیٹر انسپکٹر مہر سلیم، ایم ٹی او منیر بٹ کے ہمراہ استقبال کیا۔ جوانوں کے چاک وچوبند دستے نے انہیں سلامی دی۔ جس کے بعدانہوں نے یاد گار شہداء پر حاضری دی،پھولوں کی چادر چڑھائی اور فاتحہ خوانی کی۔اس موقع پر ڈی پی او گجرات نے کہا کے شہدا ہمارے ماتھے کا جھومر ہیں جنہوں نے اپنی جان وطن کی خاطر قربان کی۔ شہدا کی فیملیزہماری اپنی فیملیز ہیں جن کا خیال رکھنا ہمارا اولین فرض ہے۔پولیس لائنز کے بعد ڈی پی او کمپلیکس میں ڈی ایس پی لیگل اختر محمود گوند ل نے ہیڈ آف برانچز کے ہمر اہ ڈی پی او گجرات مستنصر عطاء باجوہ کا استقبال کیا۔
