Published: 15-05-2024
(رپورٹ:۔ چوہدری نصیر افضل سے)نئے تعینات ہونے والے ڈی پی او گجرات مستنصر عطا باجوہ کی ڈی پی او کمپلیکس میں تعارفی میٹنگ۔سرکل ڈی ایس پیز، ایس ایچ او ز اور ہیڈ آف برانچز کی شرکت تفصیلات کے مطابق نئے تعینات ہونے والے ڈی پی اوگجرات مستنصر عطا باجوہ نے ڈی پی او کمپلیکس میں تعارفی میٹنگ کی جس میں ایس پی انویسٹی گیشن مہر محمد ریاض ناز، ڈی ایس پی لیگل اختر محمود گوندل، ڈی ایس پیز سرکلز، ایس ایچ اوز اورہیڈ آف برانچزنے شرکت کی۔اس موقع پر ڈی پی او گجرات نے کہا کہ قبضہ مافیا،ہوائی فائرنگ اور اسلحہ کلچر کسی صور ت برداشت نہیں کیا جائے گا۔ انہوں نے مزید کہا کہ شہریوں کو انصاف اور تحفظ فراہم کرنا ہماری اولین ذمہ داری ہے، قانونی کاروائی بلا تفریق ہو گی کوئی غیر قانونی کام نہیں ہو گا، انصاف میں رکاوٹ اور محکمہ کی بدنامی کا باعث بننے والے افسران کی محکمہ میں کو ئی جگہ نہ ہے۔تمام افسران شہریوں کے ساتھ اپنے رویوں میں بہتری لائیں، آپ کا کام بولنا چاہیے، تھانوں میں ہر انسان کی عزت نفس کا خیال رکھا جائے۔فرائض کی ادائیگی کے ساتھ ساتھ تمام پولیس افسران و ملازمین عوامی خدمت اوردیانت داری کو اپنا شعار بنائیں۔ ٹیم ورک اور محنت سے ضلع کو امن وامان کا گہوارہ بنانے میں اپنا بھر پور کردار ادا کریں۔
