Published: 15-03-2023
لاہور: افغانستان کے خلاف سیریز کے لیے قومی ٹیم مینجمنٹ کا اعلان، فاسٹ بولر عمر گل کو پاکستان کرکٹ ٹیم کا بولنگ کوچ مقرر کردیا گیا۔پی سی بی نے 24 مارچ سے شروع ہونے والی سیریز کے لیے ملتان سلطانز کے معاون کوچ عبدالرحمٰن کو ہیڈ کوچ مقرر کیا ہے، سابق کپتان محمد یوسف کو بیٹنگ کوچ کے عہدے پر برقرار رکھا گیا ہے۔عبدالمجید فیلڈنگ کوچ، ڈیرک سمن ٹرینر اور کلف ڈیکن دزیو کی ذمہ داریاں نبھائیں گے۔ منصور رانا ٹیم مینجر اور طلحہ اعجاز اینالسٹ کے طور پر ٹیم کے ساتھ سفر کریں گے۔احسن ناگی میڈیا مینجر کے فرائض ادا کریں گے، عثمان انور سیکیورٹی مینجر بنائے گئے ہیں۔ پاکستانی ٹیم 22 مارچ کو شارجہ کیلئے اڑان بھرے گی۔ میچز 24، 26 اور 27 مارچ کو کھیلے جائیں گے۔
